تأشيرة سفر
*************
قطرة ندى
متمرده
وبتستخبى
ورا ورق الشجر
يومها إبتدى
بالبرجله
لما اتولدت على ورقة شجر
لحظه هدى
كات مرحله
فى القلب باتت م الخطر
وقبل الضحى
كان شكلها متحيره
خايفه لحظه ينتهى ليها الأثر
قطرة ندى
مستخسره
تسيب من إيد ورق الشجر
بتنام وتصحى
متبعثره
على آخر حرف ف السهر
من نومها تصحى
متشوقه
تداعب أورق الشجر
وهو يرفض وكمان بيأسى
وكل ورقه فيه متشرطه
وتقول مرهونه وملك القدر
الحلم خلاص انتهى
والشمس طالعه
ومعاها تأشيرة سفر
قطرة ندى
فرحانه أنها جت للحياه
وبيبقى مستنيها القدر
م/محمد بدوى أبوالعلا
ليست هناك تعليقات:
إرسال تعليق