🌹2020 ألفين وعشرين 🌹
دخلات ألفين وعشربن
كلها حزن وأنين
ماتو فيها شلا ناس
بالألاف والملايين
جاني منها الخوف
جمعت حوايجي
وسلمت على الخوت
قررت نهاجر
حيت من الخوف عيت
وشحال ونا صابر
دخلات علينا ألفين وعشرين
عرفتو عام كحل
خفت نبقا فيه
نقدر نحصل ونوحل
ونا إنسان ضعيف
محال واش نلقا الحال
كلشي ضاخ وتلاف
سكن فينا الرعب والخوف
منين دخلات ألفين وعشرين
رجعت حياتنا مقلوبة
وحريتنا مسلوبة
الدنيا ولات علينا ظلمة
توحشنا العيشة القديمة
توحشنا الضحكة والتبسيمة
توحشنا داك التسليمة
القلب بيض والنية سليمة
نتمناو ألفين وعشرين
تكون حلمة دايزة
وتحيد علينا هاد الغمة
وترجع لينا داك الضحكة
و داك التبسيمة
ونعيشو في ألفين وإثنين وعشرين
حياة كلها سليمة
ماشي حياة أليمة
🌷الزروقي جواد 🌷
المغرب
ليست هناك تعليقات:
إرسال تعليق