اتصال 5/10/2020
***********
لما الشوق جوه منى
زاد عن الحد وقتلنى
وغصب عنى
سرحت فيه
واتمنيت نظرة عينيه
أو همسه توصل منى ليه
وتبلغه نبض قلبى
م الفراق دق ووجعنى
وبعد فكر وغصب عنى
اتصلت من غير ما أقول كلمة الو
وسمعته رد وقال الو
وبعد لحظه كررها تانى الو الو
وبعدها لزم السكات
وف أنفاسه تنهيدات
كان نفسى المكالمه تطول ساعات
كان نفسى يعرف ان اللى كان
معاه لفتره من ألثوان هو الزمان
راجع ينقر ع البيبان
راجع يطالب بحقه فيك
ويفكرك انه بايع نفسه ليك
وانه عمره هايعيشه ليك
وانه انا اللى مش عارف ينام
والكون من بعده أصبح غيام
والقلب شوقه قطع اللجام
كان نفسى يعرف أنه انا
وصوتى اللى حس فيه بالدفا
مايتنسيش وان اللى بينا
مهما مر الزمان عليه
هنفتكره ونحس بيه
وف كل خطوه هنلاقيه
م/محمد بدوى أبوالعلا
ليست هناك تعليقات:
إرسال تعليق