((((((حب لاء ))))))
ليه ياقلبي خنت عهدي
ليه بتخلف ليه فى وعدك
ليه تسهرني الليالي
ليه غرام الشوق نداني
كنت ناسي وكنت قاسي
وللغرام أنا كنت عاصي
أصلي ياما شربت منه
شربت منه مر كاسي
موج بيعلا وموج بيهدا
هيا فين بس المراسي
لما جدف للشراع كنت أقاسي
مجداف يمين طبعه الخيانه
والشمال طبعه المعاصي
حتى بر أمانه خاين
للوداد ما حد صاين
جاي تقولي الشوق نداني
إنت عارف مين كواني
حب قبله كان منايا
أملي فيه كان زهايا
وأمله هو كان رضايا
ولما نال مني حنيني
خان عهودي
سود بالدموع خدودي
إنحنيت وكسرلي عودي
ومش فارقه معاه الحكايه
وعيبي أصلا في البدايه
خاني فكري إنه أصيل
لاء ياقلبي وألف لاء
إحذر يجيك يوم ترق
مهما مين عليك يدق
الكل راضع م الخيانه
فى البداية يترجى فيك
وفى النهاية غدرة كاويك
لاء ياقلبي وألف لاء جرح تانى ليا لاء
بقلمي نبيل عبدالحليم
25/11/2020
ليست هناك تعليقات:
إرسال تعليق