وان كان حاتبيع
انا مش بايعة
ماهى سكة
وقلت انا مش راجعة
حتى ان زمانك
تاه منك
وصدقت ظنونك
وقالت عنك
برضه انا قدامك
مش طايعة
وان كان حاتبيع
انا مش بايعة
حافضل وحاقولك
مش طبعي
امشي واسيب
كلمة بتشكي
ف الحلم تقولي
أكيد سامعة
ان كنت شايفني
كسرت عهود
ودخلت ف محراب
جد جدود
مش ذنبي السكة
كانت طالعة
ان كنت خايف
ده ف طبعك
تعرف تداري
ف مواجعك
لكن انا
مش زيك
ولا تبعك
انا حلمي ف قلبي
خد الطبعة
ان كنت بايع
روح وامشي
اوعى تقولها
انك تنسى
انا صوتى عندك
حروف ضايعة
ان كان حاتبيع
انا مش بايعة
مش حامشي وراك
واترجاك
انا حافضل عندى
استناك
اوعى تفتكر
ان انا خاضعة
ان كان حاتبيع
انا مش بايعة
بقلمى ابتسام عوض
ليست هناك تعليقات:
إرسال تعليق